میں جل رہا ؟
جی نہیں
آپ جل رہے؟
بالکل نہیں
آپ جلا رہے ؟
پتہ نہیں
آپ خاموش ہیں
جی ، جی
کچھ بولئے
جی نہیں
کیا ہوا
کچھ نہیں
قسم توڑئیے
کیوں؟
ضد چھوڑئیے
کیوں؟
نہ ، نہ
ایسے نہ گُھورئیے
خود کا خیال کیجیئے
ایسے نہ جھنجھوڑئیے
یہ اک بار نہیں
کئی بار ہوا ہے
اکتاہٹ، غصہ، انکار
نہیں پہلی بار ہوا ہے
انا کا گھوڑا
تھک چکا
واپس موڑئیے
اپنے آپ کو
ایسے نہ توڑئیے
وہی مقام
وہی قیام
وہی لیل
وہی الفاظ
وہی وجود
وہی خلوت
وہی حدت
وہی شدت
آج بھی ہے
ہماری حسرت
آج بھی ہے
ہماری محبّت
آج بھی ہے
بے چین ہیں
بے وجود بھی
روح کا روح سے
قیود بھی
جو نہ جل سکیں
جو نہ بجھ سکیں
ہمارے لمسِ ہنود بھی
میں نے لکھ لیے
میں نے جلا دئیے
وہ فیصلے
جو نفع کے تھے
ابھی پال رکھی ہیں
بیوقوفیاں
جن سے
محبتوں
کا وجود ہے
نہ ہے چارہ گر
نہ ہے قاصد یہاں
نہ کوئی پیغام رساں
نہ روح کا داغ
نہ دل کا درد
تم کو بتلائے کوئی
وہی حال ہے
ہمارا بھی
نہ ہم تک
پہنچ پائے کوئی
گُھٹے گُھٹے جذبات ہیں
آخر اخیر زوال ہے
یہ محبتوں کا کمال ہے
کسی بندہِ بے مثال سے
میرا عشق لازوال ہے
اب رُک ذرا
تھوڑا سنبھل ذرا
گزری باتوں کو
وجوہ نہ بنا ذرا
ہستی مری سے گُزر ذرا
میرے پاؤں تلے تیز دھار ہے
میں وہی کھڑا
میں وہی رُکا
میں تجھ میں
تجھ سے
کہیں سے بھی
اک لمحہ بھی
نہ ہٹا
میری سماعتوں میں
میرے خیالوں میں
تیرا وجود
پوری کائنات ہے
تو جو بھی ہو
چِڑا ہوا
لڑا ہوا
بکھرا ہوا
کئی راتوں سے
جگا ہوا
قبول ہے
قبول ہے
تیری ہر کمی
مجھے قبول ہے
چل مان جا
میں منا رہا
تیری اورر
چلتا آرہا
کہیں ایک پل
نہیں ہٹا
میرے من کی
کیا مجال ہے
پھر شب آرہی
پورے چاند کی
مخمور سی
گداز سی
نہ کوئی بیاں
نہ عہد و پیماں
وہ گھڑی ہو
فصلِ بہار سی
تیری چمکتی
آنکھوں کے سامنے
چاند کی چاندنی
بے وقعت
تیرے سُرخ
ہونٹوں کے سامنے
گلاب کی سُرخیاں
بے وقعت
تیری گھنی
زُلفوں کے سامنے
سب تاریک راتیں
بے وقعت
تیری اک
رخسار کے سامنے
سفیدی ریشم کی
بے وقعت
تیری اک
مسکان کے سامنے
کئی شمعوں کا نور
بے وقعت
تیرے جسم کی
خوشبو کے سامنے
عِطروں کے عرق
بے وقعت
تیرے ہاتھ
ہتھیلی کے سامنے
سونے کے اورق
بے وقعت
تیری اک
جھلک کے سامنے
عیدوں کے چاند
بے وقعت
تیری اک
آواز کے سامنے
آلات ِموسیقی
بے وقعت
تیرے اک
لفظ کے سامنے
راؔئے کی شاعری
بے وقعت
تیری اک
سویر کے سامنے
میری ہزار شامیں
بے وقعت
تُو ہے تو
تیرے سامنے
حوروں کا وجود
بے وقعت
چل مان جا
اب نہ سَتا
میں منا رہا
اب مان جا
رائے وقاص کھرل